Նորություններ / Պաշտոնական /
Օբյեկտիվ եվ բազմակողմանի քննությունը հանցագործությունների կանխարգելման եվ օրինականության ապահովման նախապայման. ԱՀ քննչական կոմիտեի նախագահի անդրանիկ խորհրդակցությունը
16-09-2019
Սույն թվականի օգոստոսի 31-ին ԱՀ քննչական կոմիտեի նախագահ Իգոր Գրիգորյանը խորհրդակցություն անցկացրեց քննչական կոմիտեի անձնակազմի հետ։
Հաշվի առնելով, որ սույն խորհրդակցությունն առաջինն է ԱՀ քննչական կոմիտեի կազմավորման պահից, ուստի այն ավելի շատ ճանաչողական բնույթ էր կրում։
ՔԿ նախագահի հանձնարարականները հիմնականում ուղղված էին նախաքննության որակի կատարելագործման, բազմակողմանի և օբյեկտիվ քննության ապահովման, քննչական կոմիտեի անձնակազմի աշխատանքային և կատարողական կարգապահության բարձրացման առանցքային հարցերին։
ՔԿ նախագահը հատուկ կարևորեց նաև կոմիտեի և իրավապահ մյուս կառույցների միջև համագործակցությունը որակական նոր հարթություն տեղափոխելու հրամայականը` հակաօրինական արարքների կանխարգելման և հանցավորության դեմ պայքարի հայեցակարգում։
