ՀայերենEnglishРусский
Նորություններ / Լրահոս /

49.200.000 ՀՀ ԴՐԱՄ ՀԱՓՇՏԱԿԱԾ ԱՆՁԻՆՔ ՀԱՅՏՆԱԲԵՐՎԵԼ ԵՆ

12-10-2021


2021թ. սեպտեմբերի 30-ի՝ ժամը 10:00-ից մինչև հոկտեմբերի 01-ի՝ ժամը 08:00-ն ընկած ժամանակահատվածում, անհայտ անձը/անձինք, շահադիտական դրդումներից ելնելով, ուրիշի գույքը գաղտնի հափշտակելու դիտավորությամբ, ապօրինի մուտք է/են գործել Ասկերանի շրջանի Բերքաձոր համայնքի վարչական տարածքում գտնվող ՍՊ ընկերության աշխատակցի աշխատասենյակ, որտեղ առկա չհրկիզվող պահարանից գաղտնի հափշտակել է/են 49.200.000 ՀՀ դրամ գումար՝ ՍՊ ընկերությանը պատճառելով առանձնապես խոշոր չափի գույքային վնաս:

ԱՀ քննչական կոմիտեի տարածքային քննչական վարչության կողմից քրեական գործի շրջանակներում իրականացված քննչական և այլ դատավարական գործողութունների արդյունքում պարզվել է, որ վերոնշյալ հանցավոր արարքը կատարել են ՀՀ Արարատի մարզի 1963թ. և 1987թ. ծնված բնակիչները:

Վերջիններս ներգրավվել են որպես մեղադրյալ և նրանց նկատմամբ որպես խափանման միջոց ընտրվել է կալանավորումը:

Դեպքի առթիվ ԱՀ քրեական օրենսգրքի 183-րդ հոդվածի 3-րդ մասի 1-ին կետով վարույթ ընդունված քրեական գործի նախաքննությունը շարունակվում է:

 

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ԱՀ քրեական դատավարության օրենսգրքով նախատեսված կարգով, դատարանի` օրինական ուժի մեջ մտած դատավճռով: